Tratta da CHESTA E’ LA TERRA MIA (Galzerano Editore)

Li Fusiddi

P’accumenzà se cerne la farina (...)

Cultura
Cilento martedì 08 agosto 2017
di Giuseppe Liuccio
I fusilli
I fusilli © n.c.

Si vieni a lo Ciliento nun te perde

no piatto re fusiddi fatti in casa.

E’ na pietanza ca ra tiempi antichi

ogni figlia la mpara ra la mamma.

P’accumenzà se cerne la farina

fatta co sarevodda e carusedda,

lo grano re la chiana ca ogni spica

arreglia cuocci gruossi commìa nuzzi.

E p’ammassà nce vòno puzi fuorti

re femmene co menne e culi a poppa-

La vampa re lo fuoco iomba mbacci

E rire re salute inta l’uocchi.

Nc’è chi l’ammassa co l’acqua mbucata

e chi nce mette pure tre o quatt’ova.

Quann’è cresciuta, la pasta se spezza

a piezzi a piezzi e poi secengoleia

co no fierro affilato nfarenato

pe non la fa azzeccà la pasta mmano.

E lo fusiddo pronto attorcigliato

se stenne nfila nzimma lo tumpagno

pe lo fa ventulià quacche mezzora

pecchè assucato se mantne meglio.

Se ncoppolano appenaroppo fatti

co no mesale frisco re lessìa.

Pe lo suco? La carne re castrato

cresciuto co le fraschere muntagna

e cuotto chiano chiano a lo tiano

e ore sane refunnenno acqua

nzimma le pemmarole re buttigli

ca sò cresciute sulo co la cota

inta le terre bbone a cerassole.

vuddute a caurara int’austo.

E n’addà mai manca vasilicoia,

n’addore r’aglio e no pupacchio forte..

Pe lacuttura poi s’addà stà accorte.

pecchè addà esse sempe chera iusta.

Lo fusiddo si è cruro nchiomma ncuorpo

si è troppo scuotto se face a papocchia.

Equanno è cuotto iusto e s’è sculato

inta na nsalatiera va cunzato

strati, co criterio e co pacienza.

Prima lo suco a cuoppi e po’ na vranca

re pecorino tuosto ch’è curato

pe misi nzimma no cannizzo appiso

inta lo vuttaro ventuliato.

poi ancora n’ato strato re fusiddi

e l’ato suco e l’ato pecurino;

accussì finoa quanno s’è ghiencuta

la insalatiera grossa fino a l’uorlo.

E poi ài che mangià quanno l’addore

se spanna pe la casa e ghieche l’aria.

E se nne scennepe lo cannarone

Lo vino tuosto russo com’a sango

ca nzorra e rire int’a lo bicchiereri


Lascia il tuo commento
commenti
Le più commentate
Le più lette