Napoli.
‘Na matina, ‘o Pataterno se scetaje
e guardanno verso Napule dicette:
“Uè, ma ch’è sta meraviglia!?
C’è quaccuno meglio ‘e me!”
Guardava a destra e vedeva Pusilleco,
a sinistra ‘o Vesuvio russava,
tra ‘na distesa ‘e mare ca faceva ‘ncatà.
“Che bellezza! ma nun basta a sta città,
mo’ ce pens io,
ca si è stato chella carogna ‘e Lucifero pe’ ‘mbruglià’,
c”o faccio vede’ io
chi è che cummanna, cca!”
Guardanno meglio, scurgette ‘nu quartiere ‘ncasinato
Baracche, munnezza, carcasse,
machene e mappate
‘Nu caos ca a e napulitane nun ponne suppurtà
‘O Pataterno, pronto alla risposta,
pigliaje ‘nu pungo ‘e terra,
‘a lanciaje ‘ncopp ‘a città
e comme pe miracolo
nascette chistu golfo cca’.
“Voglio vede’ addo’ sta ‘na meraviglia
cchiu ‘e chesta meraviglia!”
Attuorno era ‘nu suonno:
‘o mare blu,
‘nu poco ‘ncrespato pe chillu venticiello
ca move l’aria ‘e sta città.
‘Nu sole splendente,
quacche gabbiano sparso c’alluccava,
vulanno felice senza penzà
“Allora? Che ne piense Lucifero,
diavolo dell’Inferno, vuo’ continuà?”
E spustannese cchiù dinto,
guardaje cu cchiù attenzione.
Int’a ‘nu quartiere arravugliato miezz ‘e ccase,
ce stevano mariuoli e mariuncielli
ca passavano a ‘nu punto a nato
pe truvà ‘o merlo d’o mumento.
Tatatà, fatto sta:
è bastato ‘nu sincodo p’afferrà
portafoglio, borsa e cellulare
e comme ‘all’arille scappà
“Quaccosa nun funziona
– dicette ‘O Pataterne addulurato –
ma comme: ‘e guagliune ‘e Napule
hann arrubbà pe’ campà?
Forse ce vo’ n’aiuto,
forse, dannece ‘na mano,
tutto s’accunciarrà”
Pigliaje ‘nu pungno ‘e terra,n’ata vota,
s’o passaje da ‘na mano all’ata
e ‘o vuttagje ‘sotto. Ecco qua:
case moderne e belle, negozi e magazzini.
“Mo’ atà sapè campa”
Ridendo soddisfatto s’ ritiraje
“Dimane, vengo a cuntrullà”.
‘O juorno doppo fuje assai ‘mpignato,
a Genova, a Milano, a capitale:
‘ ccose lasciano a desiderà
Quacche tiempo avante,
turnaie llà, verso Napule.
“Faciteme gudè stu panorma,
verimmo si è bastato chillu là”.
Sprugennese ‘ncoppo ‘o mare
ca le piaceva assaje,
verette piscature e varchetelle
perdute mizz all’onne
ca putevano affunnà.
“Lucifero, si tu? A vuò’ fernì?
Alluntanate ‘a sta gente:
cca’ ce penso io.
Ce metto ‘na distesa ‘ esabbia asciutta
e ‘a riva ‘ e piscature hanna truvà'”.
‘Na spiaggia bianca e fina cummoglia ‘sta riviera,
palazzi eleganti e luccicanti,
e mmiezo all’acqua nu caastiello ‘e tufo.
“Nu c’è che dì: song ‘o meglio,
o diavolo s’addaà rassignà”.
E accussì, ogni ghiurno, Dio s’affacciava,
guardava, pensava e operava.
Addò che steva ‘o male,
cercai ‘e ‘mpiantà ‘o bene,
addò ce steve ‘o brutto,
cercai e crià ‘o bello.
‘Nu juorno ieve bbuono, n’atu juorno no.
Guardanno a destra e a manca,
scrugette ‘o malamente:
droga violenza e ‘mbruglii in quantità.
Se sape, ognuno sceglie,
io song’o Pataterno e ssaccio c’haggia fa’
Lucifero sta attuorno tutte ll’ore e nun se stanca mai.
L’umanità ‘o sape: ‘o bene, ‘o male
song dooje vie.
Io l’aiuto. ‘O diavolo sgarrupa,
ma ‘a scelta restarrà.
L’ammore, l’amicizia, rispetto e dignità
ce stanno ‘nquantità.
Verite ‘e nun ‘e perdere,
In queste strofe è raccontata tutta Napoli; la bellezza di Napoli, emozioni, sentimenti, bellezza che non svanisce mai.
Napoli, il Vesuvio; le impressionanti viste panoramiche sul golfo di Napoli.
Napoli sotterranea; è attraversato da una grande rete di cunicoli, gallerie, acquedotti e spazi scavati ed utilizzati dall'uomo durante la storia della città sin da diversi secoli avanti Cristo fino a pochi anni dopo la fine del secondo conflitto mondiale, ed ancora oggi, almeno in parte, visitabili.
Le attrazioni a Napoli non mancano di certo, basta anche solo visitare i magnifici mercati rionali per aspirare un pò di quella bellezza invidiata in tutto il mondo.
La poesia sopra riportata della scrittrice Anita B.Monti riporta tutto della nostra amata Napoli, difendendo anche l'indifendibile.
